CADAS SANGIANG

Cadas Sangiang

 

Tah di lembur simkuring mah di Limbangan anu ayana 60 km sebelah utara kota Garut aya tempat anu ngaran na cadas sangiang eta cadas teh ngagaduhan nilai sajarah anu sakitu gedena, lokasi anu pas na nyaeta di lembur Cileunca desa Ciwangi eta lembur teh ayana di pegunungan rancang, emang lembur na nyingkur pisan lembur cileunca eta kawilang pang sisina pisan jauh pisan tina karamean, lembur anu sakitu nyingkur na teh ngan dikurilingan ku gunung-gunung jeung pasawahan lamun ditingal mah eta lembur teh ayana dina lereng pagunungan matak aringgis mun usum hujan mah soalna sieun aya longsor atawa gempa.

 

Cadas sangiang eta salah sahiji tempat anu sakitu endahna nya lumayan atuh keur ni’is mah sok komo dipake nenangkeun pikiran mah cocog pisan, eta tempatna tepatna dihareupeung lembur teh anu pahereup-hareup jeung gunung tah eta gunung anu disanghareupan teh aya cadas diluhureunnana gunung anu sakitu gedena jeung panjangna memang susah sih digambarkeun ku carita mah, anu matak endah teh soalna posisina aya di luhur gunung terus mun katinggal tikajauhan oge tos katinggal endahna. Eta cadas teh dingaranan ku “cadas sangiang” eta ngaran teh titinggalan nenek moyang, akses nuju kacadas eta sakitar 2,5 kilo kirang langkung terus jalan na oge nanjak pisan tur ngaliwatan kebon-kebon soalna ayeunamah leuweung na geus jadi kebon!.

 

Eta cadas teh pami ditingali tina kaendahan nana bisa digambar keun siga rumah anu ditinggalina ti hereup soalna eta cadas teh anu aya diluhur gunung teh aya anu nyarupaan teras imah tur tebing na oge luhur pisan sakitar 10 meteran mah jeung posisina miring jadi mun hujan mah tara tepika baseuh, terus eta cadas teh lumayan lungkawing pisan da puguh aya na diluhur gunung. Tapi ari ku urang lembur mah tempat eta teh dijadikeun tempat ulin jeung tempat Botram. Hanjakal pisan eta tempat teh can aya anu ngembangkeun padahal mun pamarentah na daek mah kana ngembang keun eta tempat cocog pisan atuh keur tempat wisata kota garut (he he he…) ngahayal meureun…

 

Tah ari nyarioskeun kaendahan eta tempat mah sesah pisan digambarkeun nana bilih hoyong nyobian mah mangga weh ah sareng simkuring ameng.

 

Tah anu intinamah carita cadas sangiang teh kieu, eta tempat teh gaduh nilai mistis na oge, dicadas eta aya liang gede dina tebingna anu aya 5meteran tihandap mah eta liang teh upami jaman kapungkur mah cenah tiasa janten jalan kamana-mana, malah bade angkat kabogor wae cenah lewat dinya mah langkung enggal, saur sapalih deui mah bade angkat katanah suci wae lewat liang cadas sangiang teh langkung cepet, tapi teu sembarangan orang anu tiasa make jalan eta teh jalmi-jalmi tertentu anu ngagaduhan elmu-elmu na luhur, sapertos para kiayi sareng sajabana.

 

Memang eta tempat aya anu ngageugeuhna oge, lain jalmi sembarangan anu ngageugeuh tempat eta tapi mahluk deungeun jadi mun ulin katempat eta kudu ati-ati tong sembarangan bisi kumaha onam.

 

Ngan ditingali deui tina sisi lain eta cadas teh ngandung nilai anu mistis na oge, disamping tempat wisata urang lembur tempat eta teh sok dijadikeun tempat munjung (pamujaan) ku sabagian jelema-jelema mah, sok seuer jalmi anu datang ka eta tempat ngan hayang beunghar memang aya anu ngajaga atawa kuncen sangiang eta kuncen teh tugas na sebagai panganter wungkul, tapi anu sok marunjung teh lolobana urang luar desa soalna ari urang desa eta keneh mah euweuh bagean, wah memang tempat pamusrikan eta teu bisa dicegah ku para ulama soalna anu marunjung teh datang na kacadas eta kudu peuting-peuting anu dianteur ku kuncen tea.

 

Cenah mah ceuk urang desa anu tos pernah nyobaan eta mujung kadinya teh kudu daek kawin jeung putri padahal mah eta teh Iprit, tapi nya kitu ari niat ngilu jalan setan mah sok diKabul wae pamentana kupangeran, hayang beunghar teh sok laksana beunghar. Padahal mah mun dipikir-pikir mah salah jalan jeung kubobona jelema-jelema anu munjung geus puguh iprit dkk teh masih sarua keneh mahluk alloh naha ari pamentana ka sasama mahluk lain kanu maha kawasa. Tah ceuk kuncen mah cenah eta anu marunjung lolobanamah urang luar garut.

 

Astagfirulloh eta tempat teh dugi kaayeuna sok masih keneh dijadikeun tempat pamusrikan, salares namah sok hoyong tah ngaleungitkeun tempat eta tapi da teu bisa rek ditutup kumaha da cadas sakitu gedena, ngan lamun geus euweuh anu nganterna(Kuncen) mah panginten aman moal aya deui pamusrikan. Jeung saleresna mun hayang beunghar mah tinggal usaha weh atuh anu junun, lain samodel kitu teu boga gawe tapi hayang benghar dasar gelo (BTW mudah2an teu aya anu kasigeung).

 

Ieu mah ngan curhat simkuring weh ah, tapi insyaaloh mun pulang kalemburmah eta tempat teh rek diFoto lumayan keur dipromosikeun di internet keur tempat wisata garut…

13 Tanggapan to “Sangiang”

  1. apziarief Says:

    Assalamualaikum,

    Cep aang, nepangkeun abdi Aceng. asal muasal mah ti limbangan, ti desa ciwangi oge. mun teu salah mah cadas sangiang kadituna teh batara guru nya. cik mun endah mah fotona atuh di upload cadas sangiang teh ! sim kuring pernah baheula taun 97-an penelitian di limbangan asruk asrukan ka perbukitan di limbangan, ngan teu ari nepi ka cadas sangiang mah.

    Salam,

    Aceng

  2. sangiang Says:

    Walaikum salam,
    Aduh kang acep bingah pisan tiasa tepang,
    manawi ciwangina ti mana?, abi mah ticileunca.

    Aduh kaleresan teu acan aya fotona kang insyaaloh lah upami uih kalembur difoto, kaleresan ayeunamah nuju disurabaya.

    Leres pisan kang batara guru,
    gaduh blog na kang?

    hatur nuhun,
    Aang

  3. apziarief Says:

    tepatna mah Cianteun (lebet desa ciwangi keneh nya ? ), teu gaduh blog abdimah.
    Diantosan fotona cep aang..

    mangga ah.

  4. sangiang Says:

    insyaaloh pak…ke kaleresan teu acan mulih yeuh duka iraha pak…

    Manawi bapak linggih ayeuna dimana nya??
    abi mah disurabaya.
    Nuhun

  5. apziarief Says:

    abdi rorompok di jakarta. terakhir ka limbangan basa lebaran kamari. Gaduh YM (Yahoo massanger)?

  6. sangiang Says:

    mangga kang ieu Ym abdi..miftahza@yahoo.com

    manawi ym bapak naon??

  7. yudi Says:

    sanaos sim kuring pituin limbangan tapi ari nu namina cadas sangiang asa nembe ngadangu,paling tebih sim kuring ngalamprah ka gunung pabeasan,tapi upami akang ningal gunung pabeasan ayeuna asa araringgis da tatangkalan parantos dituaran,kaendahanana parantos teu aya,upami akang kersa nunjukeun lokasi Insya Allah upami aya waktos sim kuring sareng rerencangan ti wanadri tiasa langsung survey ka lokasi.

  8. sangiang Says:

    kang sangiang teh masih sagunung sareng pabeasan pacakeut lah, ngan rada ka belah wetan.

    Kang tuh tos di add blog akang na.

    di add nya blog abina

  9. hevi.fauzan Says:

    Aduh janten hoyong jalan2 ka ditu.

    Ngan hanjakal nya? Kedahna kaendahan alam ngajantenkeun urang caket sareng Anu Nyiptakeun,sanes malah musyrik.


  10. Mangga dirojong naon nu tiasa dilakukeun ku urang Sunda kanggo ngalestarikeun alam sareng Budaya Sunda. Masalah kamusrikan memang matak ngahelas kana hate, matak miris ku lumaku na dulu2 urang nu hayang untung ladang enteng bari manehna teu sadar yen ela laku nateh bakal ngarugikeun diri na sorangan. Jigana urang moal bisa ari ngaleungitkeun eta kamusrikan salila masih loba jalma anu poek hate na, jauh ti taohid.
    Meureun ari numutkeun pamendak akangmah, anu kedah diupayakeun ayeunamah kumaha carana sangkan alam sareng kaendahanana tiasa dilestarikeun tina karuksakan, sabab mun eta alam ruksak nu rugi pasti urang2 keneh…

    hatur nuhun.

    Salam baktos,
    akang


  11. My brother suggested I might like this blog. He was
    entirely right. This post actually made my day. You cann’t imagine simply how much time I had spent for this info! Thanks!

  12. Hasanuddin Says:

    Assalakum ngiring silaturahmi, alhamdulillah urang kempel dina blog, abdi Hasanuddin ti Poronggol, salam Kerta Rahayu

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s