Naluntik limbangan jaman doeloe
Nilik sajarah Balubur limbangan atawa BL Limbangan ari urang limbangan mah nyebat na teh anu ngarupikeun nami hiji kacamatan di Kabupaten Garut. Kacamatan limbangan ieu dina perjalanan babad limbangan Kabupaten Garut ngagaduhan tempat anu istimewa pisan, soalna Balubur Limbangan anu sakitu lami dijantenkeun ibukota kabupaten sateuacan na ngalih ka Garut. Janten tiasa disebatkeun yen BL Limbangan teh ngarupikeun cikal bakal bakal Kabupaten garut anu ayeuna.
Istilah balubur teh sapertos anu disebatkeun dina Ensiklopedi Kabudayaan Sunda, anu ngarujuk kana daerah pamukiman para nonoman kabupaten di jaman kapungkur. Anu sarupi sareng Istimewa anu panghunina terdiri tina para menak sareng pajabat pamarentah anu lainna. Balubur Limbangan anu hartosna daerah Istimewa para panguasa Kabupaten Limabangan tempat lalinggihna.
Sapertos anu kacatet dina sajarah, limbangan awalna mah bagian ti wilayah karajaan sunda. Ngan ari versina anu lain mah disebatkeun yen Limbangan teh tos jadi daerah Otonom nalika karajaan sunda kabagi kana (2) dua, nyaeta Galuh sareng Sunda, Basa harita mah saurna namina masih Rumenggong (anu konon asal tina kata “Rumenggang” atawa “renggang”, kusabab aya diantara Galuh sareng sunda) jeung panguasana di kenal sebagai Sunan rumenggong. Ngan sa’atos na Karajaan Sunda runtuh , wilayah ieu teh aya di handap kakuasaan daerah lainna, anu diantarana kantos janten wilayah kakuasaan Sumedang Larang.
Kacaritakeun dina tanggal 24 Maret 1706 teh Limbangan anu dina awalna ngan mangrupakeun hiji distrik di bawah Kabupaten Sumedang, ku VOC (Verenigde Oost Indiche Compagne – Kongsi Dagang Belanda ) anu statusna di balikeun deui jadi kabupaten anu mandiri anu mangrupikeun Rangga Mertasinga salalu bupatina. Ampir kana sa’abad lamina Limbangan jadi kabupaten tepika tanggal 2 Maret 1811, Gubernur Jendral Daendeles, panguasa anu paling luhur di pamarentahan colonial Walanda ngabubarkeun Kabupaten Limbangan kusabab alasan-alasan ekonomis. Wilayah Kabupaten Limbangan saterasna dibagi-bagi jeung jadi bagian wilayah kabupaten lain.
Ngan basa inggris ngakuasai Jawa, Gubernur Jendral Raffles anu ngawakilan kakuasaan Inggris, dina tanggal 16 Februari 1813 ngabalikkeun deui status Limbangan jadi kabupaten di Karesidenan Priangan, ku ngangkatna Tumenggung Adiwidjaja salaku Bupatina. Ngan ibukotana anu awalna di Balubur Limbangan teh dipindahkeun ka distrik Suci, anu saterusna dipindahkeun deui ka Kota Garut dugi ka ayeuna. Ti saprak harita Balubur Limbangan jadi narikolot. Tepika ayeuna Balubur Limbangan teh ngan saukur jadi kecamatan anu bagian ti wilayah Kabupaten Garut.
Aduh reueus pisan nya salaku warga limbangan ternyata gening limbangan teh gaduh sejarah anu sakitu ageung na, komo tambah reueus pami dugi ka ayeuna masih janten keneh Kabupaten, padahal upami ditingali sacara geografis mah limbangan mah sae pisan janten ibukota atanapi Kabupaten limbangan soalna letakna strategis pisan aya dina jalur selatan jawa he he he….
Rujukan : Ensiklopedi Kabudayaan Sunda
Sharing ilmu Berbagi Cerita DiDunia Maya 
September 25, 2008 at 6:48 am
Limabngan I LoVE U
Oktober 16, 2008 at 4:52 am
bali geusan ngajadi,eta arti Limbangan kanggo sim kuring,sanaos Bandung tempat kalahiran sim kuring,sanaos ayeuna sim kuring aya di pangumbaraan,tapi bibit buit sim kuring ti Limbangan,anu matak waas nyaeta kaayaan alam sareng kaayaan masih nyunda pisan.teu acan tuangeun anu matak ngondang selera.Mugia kaaslian sareng ciri Limbangan dugi ka iraha moal robih ku pangaruh jaman
Oktober 16, 2008 at 5:08 am
Hatur nuhun kang parantos linggih,
Salam wanoh ti abdi kaleresan abdi mah tilimbangan tapi sami nuju ngumbara oge disurabaya.
Manawi akang yudi dimana linggih ayeuna???
manawi kang yudi gaduh blog na naon??,
salam aang,
Januari 6, 2009 at 7:09 pm
Simkuring salaku asli ti limbangan ngaraos bagga sinareng seneng dilahirkeun sareng diageungkeun di limbangan. Sanaos ayeuna simkuring aya di panumbaraan , tapi moal hilap k atempat PAMBEDALAN mah. Bravo limbangan……
Januari 7, 2009 at 8:51 am
hatur nuhun parantos linggih…
Salam wanoh wae,
Limbangan na palih mana kang?
dupi padumukan ayeuna dimana kitu? ari pribados mah di surabaya.
Haturnuhun…
Januari 29, 2009 at 2:46 am
bilih akang hoyong langkung wanoh ka sim kuring mangga diantos di blog.www.yudismansa.blogspot.com
Januari 29, 2009 at 2:49 am
http://www.yudismansa.blogspot.com mugia akang tiasa masihan informasi nu langsung seueur ngeunaan limbangan
Januari 29, 2009 at 9:19 am
muhun kang sok urang silaturahmi lah lewat dunia maya…
kaleresan abi mah di surabaya rada sesah milarian sumber na kang, kaleresan tos 1taun teu acan mulih.
Januari 31, 2009 at 3:18 am
kang di antos di blog abdi anu enggal iwangyd.blogspot.com
September 30, 2009 at 7:42 pm
Wah meni bangga pisan nya terang kampung halaman teh pernah jnten wilayah nu kasohor di jamanna. Ningal kondisi ayeuna mah gening kampung urang teh tos lumayan maju ari maju na mah, tos aya pom bensin nu kcida ageung, aya warnet,mini market.. Wah mun saur isu na ma disebat maju cemah mah.. Tapi asa rada waraas apa leres nu disebat maju teh siga kitu?pasar tradisional geuning eleh pamor ku mini market, sawah jeung tanah diical ka orang jkrta tur djntenkeun bangunan nu matak pangaruh kana ketersediaan cai saur na mah..naha leres ieu nu disebat maju teh?nuhun pisan k akang nu atos ngpost cerita ieu, gening rada sesah milari deui crta sejrh limbangan nu lankung seueur..sukses k sadayana.
Mei 24, 2010 at 1:30 pm
Ass. Wrwb. alhamdulillah,nembe tepang di dunia maya sareng urang limbangan, teu kasawang sajarah anu kalintang berharga na parantos di angkat ngalangkungan situs ieu, simkuring nitenan artikel-komentar ti 1-10 leres pisan, namung pami teu lepat ari Limbangan gaduh papadon “Limbangan ngadaun waru anu hejo ngemploh” hal ieu masih keneh emutaneun pihartoseun na, margi nilik kana kanyataan ayeuna limbangan malah ngarancang gunung-pasir di babad.
Sajarah limbangan pami teu lepat dikawitan ku lumampahna “Kanjeng Sunan Cipancar” Rd. Wijaya Kusumah angkat nyalira nyaosan uleman Kanjeng Sunan Gunung Jati di Cirebon. Numana dina eta uleman nu disebarkeun ka tatar nusantara diunggelkeun Sing saha bae anu sumping na ka pandeurian tan wande bakal dihukum ku alat (pusaka) candakna.
Kaleresan Kanjeng Sunan Cipancar (anu kawit tina basa “pancer”) dongkapna ka gunung jati pang pengkerna, atuh nya dilaksanakeun wae perjanjian sakumaha dina serat uleman tea. Dina palih dieu kanjeng sunan ngagaduhan pusaka ti eyang na nyaeta Kian santang nu aya di tatar pakidulan daerah garut dimana dina eta pusaka nu dititenan ku Kanjeng Sunan Syari Hidayatulloh ka uninga aya ‘aosan pami teu lepat nya eta iqro hafidun-hafidin.
Atuh Kanjeng Wali ngaraos reuwaseun, ku eta paningali na kana pusaka teras naros ka Kanjeng Sunan Cipancar timana kawit nya diwaler ti “timbanganten”, dumasar kana eta pusaka nya dirobih namina janten “paimbangan” nu hartosna saimbang (dina nyebarkeun akidah islam), ku hal eta sadayana hadirin waktos harita sapuk satuju kangge teu nelasan Kanjeng Sunan Cipancar ngan hukuman na di gentos kedah tiasa numbangkeun tanagina dina ngawangun masjid di cirebon, nya anjeun na ngadamel hiji tihang kangge masjid tina panatalan kai sareng kai paneukteukan, ku widina alloh eta panatalan anu ditumpuk-tumpuk teh tiasa janten tihang masjid, tur dugi ka ayeuna eta tihang teh masih ajeg di masjid cirebon, samentawis sakitu heula rupina margi masih panjang ngeunaan Sunan Cipancar anu ngawiwit sajarah na Limbangan, hapunten bilih aya nu lepat, margi sim kuring nalika ngadangu ieu sajarah teh masih keneh di SD. Hatur nuhun, Wassalam.
Agustus 11, 2010 at 7:21 am
Limbangan…Lembur Kuring nu matak dipikanineung ku sakum warga na nu aya di luar…
Limbangan…Lembur Luluhur anu kacida endahna
kusabab didinya ngalapak na kanyaah kolot, baraya kulawarga…
Limbangan dangdan…
Limbanga mapag cacndran…
Hatur Nuhun…..
Agustus 28, 2010 at 8:23 am
pamugi kanu araya di luar limbangan poma ulah poho ka lemah cai nyaeta LIMBANGAN.
marulih atuh ari sakalieun lebaran mah…..! da angger ari usum paehmah ka lembur keneh.
Maret 16, 2011 at 8:40 am
Kang, kumaha damang hadir heunteu,ieu abdi ti cipeujeuh desa ciwangi-limbanagan
Maret 16, 2011 at 8:41 am
Kang, kumaha damang hadir heunteu,ieu abdi ti cipeujeuh desa ciwangi-limbangan
Juli 11, 2011 at 10:32 pm
Punten, abdi ti Selaawi Limbangan Garut. Bade ngiring masihan saran, supados ngadamel grup di facebook atanapi jajaring sosial nu sanesna, supados seu’eur urang limbangan nu langkung kenal ka daerah aslina tina carita-carita sapertos nu diluhur. Hatur nuhun
September 23, 2011 at 6:20 pm
punten. sim abdi Amir Jaelani asli limbangan hoyong langkung terang perkawis sejarah Limbangan anu saestuna.hatur uhun sateuacana
November 1, 2011 at 10:26 am
Assalamu alaikum wr.wb.
Ka para wargi anu hoyong maluruh karuhun limbangan, karesan sim kuring gaduh bagan silsilah katurunan raja sumedang larang anu ngalir ka limbangan, karawang sareng brebes. sareng abdi gaduh kumpulan kidung sunda buhun. mangga kanu peryogi diantos kua abdi.
Hatur nuhun.
Salam kanggo sadayana urang limbangan.
Desember 15, 2011 at 5:13 am
sok sedih mun emut limbangan.. salam na k pun guru.. ka ajengan ciloa, ka aki nu tos ngantunken ( ajengan cimanjah)
Desember 15, 2011 at 7:37 am
Limbangan teh sanes ngansaukur ninggalkeun kenangan sajarah anu sakitu ahengna, tapi oge limbangan anu kaceluk kota santri parantos ngalahirkeun para kiayi anu manggung di saantero jawa barat, malah saur sepuh urang cicadas mah aya karuhun anu ngumbara kajawa timur anu teras ngajantenkeun bibit buit para ulama dieta tempat.
Air kiwari kumaha ? urang limbangan teu kirang ku potensi kanggo mekarkeun sareng ngaronjatkeun deui citra limbangan, kumaha carana ? teu aya deui carana urang kudu ngahiji, urang kudu sauyunan ulah pa aing-aing komo bari adigung mah, ulah poho ka pangbalikan sabab umumna urang limbangan mun tos jadi jalma sukses sok siga anu gengsi ngaku jadi urang limbangan teh, malah rereanamah embung ngabangun daerah sorangan padahal rakyat limbangan nalika aya anu neruskeun sakola atau neangan elmu pangaweruh sok di rojong ku pangdu’a, mudah mudahan bisa balik bari ngabangun deui limbangan.
Desember 15, 2011 at 9:39 am
KIDUNG TURUNAN.
Run tumurun ingsun, gumulung sumilir giliran, wanci ngalanglang ngacacang, mangsa ngalingling alam kiwari, ngajajah alam ayeuna, rep sirep neda ti gusti.
Nya ingsun banyu rahayu, banyu mulus banyu asin, banyu pangauban jagat, banyu sejatining manik, nya ingsun langlang buana, pangauban seuweu siwi.
Pangeran galuh galunggung, anaking mangka caringcing, ngembah jagat, jagatna manusa, didinya ayana harti, didinya ayana ucap, pibeukeuleun hirup hurip.
Sasaka pusaka karuhun, pangauban pajajaran, panjeg pangeran adil, leuleus jeujeur liat tali, pandita ngayeuh nagri.
Dina lengkah aya tangtung, tangtungan diri pribadi, ulah gedag ku panggoda, teungeutkeun cingcirina wanci, lalakon pangreka jaman, sembahan alam kiwari.
Ulah nyungkur kuwung-kuwung, endah rupa tanpa jirim, adegan manawi purba, bibit pamekar sakti, wibawa ucap pamarentah, sakti dina darma bakti.
Januari 23, 2013 at 2:00 pm
salam wanoh ka sadayana turuna limbangan… 😀